Dr. Edward Cheung a nace na Aruba, y a crese na San Nicolas. Despues di a hanja educacion na Merca, awor e ta traha na NASA, unda cu e ta traha ya pa mas di 30 aña.
Edward a traha den varios area di NASA, manera Astrofisica (Hubble Space Telescope), International Space Station y misionnan meteorologico (Joint Polar Satellite System).
E tema di Empire Kids & Teens pa 2025 ta Luna cu Solo
Luna cu Solo, un cancion traha pa nos mucha nan hopi aña atras lo ta e base di e tema.
Y cu e tema aki, Empire Carnival Group a dicidi pa honra Dr. Edward Cheung, e distinguido ingeniero, como un simbolo di logronan den nos comunidad riba e tereno di espacio. Nos ta kere cu celebra su trabou y dedicacion, como parti di nos tema di carnaval, lo inspira y lanta henter e comunidad, particularmente nos muchanan y hobennan.
E concepto di Luna cu Solo:
E muchanan y hobennan lo ta bisti un fantasia di e trahe di Astronauta cu un patch cu tin e inisialnan di Dr. Cheung. Na e manera aki lo duna un homenahe na su trabou y logronan como e homber cu a haci Aruba parti di programa di espacio di NASA.
Luna cu solo lagá mi pasá,
Cu tur tur mi yiu cu Dios a duná mi.
Pas, pas brenja brenja,
Rey o Rey o pober.
Silencio na paleis, silencio na paleis
